Ganekogorta (998 m)

Gaur Ganekogortako igoerari ekin diogu Albertok eta biok. Laudiotik (130 m) Leziagako bidetik Santa Luzia auzora abiatu gara, handik Ganekogortara (998 m) jo dugu. Hiru t'erdi ordu behar izan dutugu muturreraino heltzeko. Gogorrak batez ere mendigunearen azken aldapak.

Ganekogorta (Wikipedia, Mendikat) izen berdineko mendikatea osatzen du beste mendi batzuekin (adibidez, hemen izendatutako Karamaka). Araba eta Bizkaia banandu egiten du eta Bilboko hurbiltasuneko mendi ezagunenetariko bat da (Pagasarriren parean). Antzina bere tontorretik adarra jotzen eta sutzarrak egiten zituzten Bizkaiko batzarretara deitzeko.

Jaitsiera uste baino zailagoa izan da. Ordu bata t'erdietan eguzkiak trinko jotzen zuen eta beste bi ordu behar izan ditugu etxera heltzeko. Egun gogorra (ez dut uste gauean festaz aterako naizenik xD).